Македонија
17. November 2017 - 17:45

Анѓушев: По драматичната криза, важно е медиумите да се слободни

  Транспарентноста и слободните медиуми се клучни за здраво општетсво, истакнува македонскиот вицепремиер за економски прашања во разговор за Гласот на Америка во кој коментира за транспарентноста и слободните медиуми - клучни за здраво општество.

- Може да зборувате за какви сакате економски мерки, но мора да имате база, а тоа е стабилна политика, владеење на правото и слободни медиуми. Ако ги немате овие три елементи, не можете да зборувате за каков било просперитет на која било држава, вели вицепремиерот задолжен за економски прашања.

Според него мора да изградиме држава која ќе биде атрактивна за младите кои заминале во странство да се вратат во Македонија.

Вицепремиерот Анѓушев коментира дека Македонија да биде поконкурентна треба да инвестира повеќе во технологија, зашто државата потешко ги пробива продуктите на светскиот пазар поради високите транспортни трошоци.