Ангеловски: Загубивме од еден поквалитетен противник

 Фудбалската репрезентација на Македонија претрпе нов пораз во пријателски натпревар откако вечерва во Скопје на Националната Арена „Филип Втори“ загуби од Бугарија со 2:0 (0:0).

 

Македонија своите шанси не ги искористи во првото полувреме, а најзрелата беше во 24.минута кога Ванче Шиков ја погоди стативата.

Бугарија во второто полувреме поведе со голот на Димитар Рангелов во 65.минута, а неговата замена Александар Тонев во 87.минута ги постига конечните 2:0.

 

Македонската репрезентација го загуби и третиот пријателски натпревар во низа и на трите не постигна гол.