Андонов во посета на СВР Скопје

Најголемиот дел од началниците во МВР кои во својот прв технички мандат ги поставил министерот Оливер Спасовски користеле боледување и по 65 дена. Дополнителниот заменик министер за внатрешни работи Оливер Анднов одговори на обвинувањата дека  десетина началници во МВР во исто време користат боледување со цел да не бидат разрешени од функциите. Тој тврди дека овие отсуства се оправдани.

„Убеден сум дека сите тие се од здравствени причини, барем оние за кои јас сум информиран, знам дека се од посериозни здравствени причини бидејќи некои од началниците се и на хируршки интервенции. И ако веќе треба на тој начин да зборуваме со Спасовски во однос на недовербата кон вработените во МВР, можам да кажам дека има луѓе кои тој ги постави за началници на сектори за внатрешни работи, а кои 65 дена беа на боледување и на денот кога беа на боледување одденаш оздравеа и дојдоа да примат решение од Спасовски. Сметам дека неговиот однос не е во ред, бидејќи ниту јас ниту Сасовски сме доктори за да можеме да кажеме кој смее а кој не да користи боледување, вели Андонов.

Андонов попладнево го посети Секторот за внатрешни работи Скопје, каде оствари средби со повеќе високи полициски службеници. Тој изрази убедување дека овој сектор и во иднина ќе продолжи успешно да работи на разрешување на кривични дела и обезбедување на мирот и безбедноста на граѓаните.