Американскиот претседател Обама во посета на Атина
Американскиот претседател Барак Обама денеска и утре престојува во посета на Атина, што е прва етапа од неговото последно патување во странство како претседател на САД.
Како што јави дописникот на МИА од Атина, Обама денеска ќе се сретне со грчкиот претседател Прокопис Павлопулос, потоа и со премиерот Алексис Ципрас, а вечер ќе присуствува на официјална вечера што во негова чест ја приредува Павлопулос.
Американскиот претседател утре ќе го посети Партенон, а пред да замине за Берлин, ќе одржи говор во културниот центар „Ставрос Ниархос“, за кој се верува дека всушност, ќе биде обраќање кон меѓународната публика со цел да ги истакне достигнувања на неговата администрација и неговото наследство пред да замине од функцијата во јануари.
Портпаролот на грчката Влада Димитрис Цанакопулос изјави дека посетата на американскиот претседател Барак Обама на Грција е врвен настан.
- По 17 години, еден американскиот претседател ја посетува Грција. Во агендата на разговорите се грчкиот долг, прашањето за бегалците, кипарското прашање и други билатерални прашања во врска со односите меѓу САД и Грција, додаде тој.
Ново на Сител
-
Норвешка донираше 76 неборбени моторни возила на Македонија
-
Моментно нема индикатори за нов ценовен бран, оценува бизнисот
-
Би-Би-Си на српски: Оствари ли опозицијата недостижна предност пред вториот круг гласање
-
Во Брисел почна трилатерален состанок на делагациите од Белград, ЕУ и од Приштина
-
Радовишанец во повеќе наврати извршил обљува врз малолетничка
-
Врховен го укина притворот на таткото на Вања, определи куќен притвор и мерка на претпазливост
-
Грчки медиуми: Голема победа на опозициската ВМРО-ДПМНЕ
-
Во Тетово прегазен малолетен пешак