Свет
13. October 2017 - 15:32

Американец бегал од полицијата за да му се исполни желбата

Возач од американската сојузна држава Ајова бил „уловен“ по полициска потера, по што им рекол на полицајците дека тој всушност и сакал тие да го бркаат, оти тоа му било на „листата желби“.

Четириесет и шестгодишниот возач одбил да застане кога полицијата се обидела да го запре на еден магистрален пат, по што уследила 15-минутна брканица.

Кога бил приведен, признал дека сето тоа било намерно.

Полицискиот наредник Скот Брајт изјави дека во својата 28-годишна кариера никогаш не чул таков изговор.