Александар Вучиќ стапи на должноста претседател на Србија
Александар Вучиќ официјално стапи на должноста претседател на Србија. На церемонијата во палатата „Србија“ во главниот град Белград, присуствуваа околу 5.000 гости, вклучувајќи претставници на повеќе од 60 странски делегации, пренесе ТАСС.
Вучиќ, кој победи убедливо на претседателските избори уште во првиот круг на 2 април, веќе положи заклетва како шеф на државата на 31 мај.
На приемот синоќа беа поканети гости како од Србија, така и од соседните земји, САД, Русија, ЕУ, НАТО и Кина. Вучиќ ги пресретнуваше заедно со својата сопруга Тамара. Ова беше прво јавно појавување за неа, откако роди син на 10 јуни.
Според официјалните податоци, Србија не примила толку многу странски гости од погребот на Тито во 1980 година.
Пред церемонијата, новиот српски претседател беше поздравен од својот претходник Томислав Николиќ.
- Му посакувам да биде подобар претседател од мене, рече Николиќ за Вучиќ.
Во својот говор по повод стапувањето на должност, новиот српски претседател истакна дека неговата земја се гордее со своите традиционални пријателски односи со Русија. - Се наоѓаме ... на патот кон Европа и сакаме да останеме на него, истакна во исто време Вучиќ.
Хрватскиот претседател Колинда Грабар Китаровиќ изрази надеж за обновување на добрите односи меѓу нејзината земја и Србија.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка