Балкан
7. December 2017 - 12:21

Албин Курти предлага референдум за обединување на Косово и Албанија

Поранешниот лидер и актуелен пратеник на косовското движење Самопределување Албин Курти, смета дека косовските граѓани треба на референдум да се изјаснат за обединување со Албанија, од која, според него, Косово било „одвоено на недемократски пат од страна на големите сили“. 

- Сакаме да имаме право да се обединиме со Албанија на демократски и мирен начин, значи не би започнале треба балканска војна, нагласи Курти.

Коментарајќи ја идејата за поделба на Косово или за размена на територии со Србија - северниот дел на Косово за Прешевската Долина, Курти изјави дека  тоа е желба на Белград.

- Јас се противам на откажување од северниот дел на Косово, меѓу останатото и поради Трепча, односно економскиот развој, чија суштина е ревитализација на Трепча, истакна Курти. 

Тој повторно потенцираше дека се противи и на дијалогот меѓѕ Белград и Приштина во Брисел, бидејќи според него тој не се базира на принципи. 

- Помирувањето е можно дури кога Србија ќе го признае Косово и ќе ги признае воените злосторства, наведе Курти.