Аеромитинзи во Сингапур зад кои стојат зделки од над три трилиони долари

Од 16 до 19 февруари во Сингапур се одржува најголемиот саем на воздухопловството во Азија на кој покрај спектакуларните авионски летови за граѓаните и туристите е најавено и склучување на договори за купување на нови авиони чија вредност ќе биде над 3.000 милијарди долари.

Манифестацијата се смета како еден економски и воено најзначаен настан, бидејќи најголемите играчи во сферата на производство на цивилни и воени авиони ќе ги добијат најавите и нарачките за периодот до 2035 година.

Покрај Боинг и Ербас, кои доминираат во производство на патнички авиони, агресивен настап на овој пазар имаат и производителите на воени авиони. САД, Франција и Русија очекуваат најмногу зделки, на високопрофитабилниот пазар, а годинава сериозно се наметнаа и производителите на воени авиони од Јужна Кореја.