Кошарка
16. October 2017 - 9:10

АБА:Исклучување за Антиќ, пораз на Звезда

Црвена звезда доживеа домашен пораз од Будуќност со 75:79 во дербито на четвртото коло на АБА-лигата за веќе да нема непоразени тимови во регионалното натпреварување.

Во реприза од финишот на мечот против Жалгирис, Звезда имаше шанса да го реши мечот во неизвесната завршница, но Фелдин промаши отворен кош, по што гостите ја потврдија победата.

Најефикасен кај Звезда беше Тејлор Рочести со 23 поени, а македонскиот репрезентативец Перо Антиќ одигра 15 минути од мечот и постигна само три поени откако беше исклучен, прво поради техничка, а потоа поради неспортска грешка.