Бизнис
11. January 2017 - 17:03

70 камиони заглавени на Евзони поради лошото време во Грција

Околу 70 товарни возила заглавени кај граничниот премин Богородица. Поради лошото време и состојба на патиштата грците од два часот по полноќ ја затвориле границата. Еден од заглавените камионџии за економски.мк соопштил дека немаат информација до кога ќе останат. Им  кажале само дека  патиштата во Грција не се проодни поради снегот.  Колоната целосно го блокирала меѓуграничниот простор. И од МАКАМ- ТРАНС потврдија дека лошите временски услови го блокирале транспортот. За 50 отсто е падната нивната работа. Некои воопшто не возат, а оние кои работат се заглавени на дел од граничните премини. Целосно е отежнат протокот на стока.

Надлежните ги советуваат возачите ако одат на пат со себе да носат храна вода и да бидат со полн резервоар, затоа што проблеми во сообраќајот има во целиот регион и пошироко.

-Транспортот е отежнат се трудат да возат но тешко е. Ако претходно траснпортот траел 5 или седум дена сега се птолонгира за два до три днеа плус. Мора да се работи ако застане транспортот се застанува, рече Биљана Муратовска од МАКАМТРАНС

Поради блокираниот транспорт проблеми во работата имаат и бизнисмените. Суровините им доцнат производството им е во прекин. Дел пак не можеле да ја пласираат робата до своите партнери во странство. Стравуваат дека ако продолжи лошиото време  ќе претпрпат големи штети.

- Поради проблеми со патот од пристаништето Драч не може суровина да влезе во Македонија. Поради лошите временски услови два три дена ни стоеше стоката  не можевме да извршиме извоз во Косово, рече Арбен Абдурахмани- Везе Шари

Забраната за сообраќај за тешки товарни возила останува на патните правци Маврово- Дебар и на Берово – Виница – Кочани.