45-годишниот Роберт Николоски 7 дена живее под отворено небо откако домот му изгоре целосно
Судбината си поигра со животот на 45 годишниот Роберт Николоски од населбата Видобишта.
Седум дена под отворено небо, премрзнат и сам размислува каде ќе преноќи и како ќе го преживее денот. Скромниот дом кој го наследил од неговите покојни родители повеќе го нема.
Пламените јазици му ја одзедоа сета покуќнина и документи. Му остана само облеката која што ја носел насебе и личната карта а при обид да го изгасне пожарот на лицето се здобил со изгореници.Со солзи во очите бара помош од хуманите луѓе .
Роберт работи како болничар во Општа Болница и живее со минимални примања .Нема никој близок кој може да му помогне за повторно домот да го врати во првобитната состојба.
Причината за пожарот сеуште не е утврдена Роберт се сомнева дека е подметнат бидејќи кога се вратил дома вратата била оставена отворена.
Од општината направиле записник но и после една недела сеуште нема никаква помош.
Сите хумани граѓани кои сакаат да му помогнат можат да се јават на телефонскиот број 075 937 086.
-
Нина Аритоновска
Сите содржини од овој новинар